O parque de Bonaval acolleu o xa tradicional encontro de confraternidade do alumnados dos Cursos de lingua e cultura galegas “Galego sen fronteiras”. Na xuntanza servíronse petiscos de produtos da terra e os estudantes interpretaron cancións galegas aprendidas nas clases e melodías populares dos seus respectivos países. Tampouco faltou a queimada con esconxuro e, para rematar, Vikash Kumar Singh, co apoio de Antón Rey na lectura en galego, recitou un fragmento da súa tradución ao hindi de “Longa noite de pedra” de Celso Emilio Ferreiro.
