Antón Santamarina Fernández
Antón Santamarina Fernández (San Martín de Suarna, Fonsagrada, Lugo 1942)
Licenciado en Filosofía e Letras na Universidade de Santiago (1961-1966) e doutor en 1974 coa tese de doutoramento: El verbo gallego.
Catedrático de Filoloxía Románica desde 1978. Membro da Real Academia Galega desde 1998.
Ten traballos referentes ao galego nos campos da didáctica, da codificación idiomática, da sociolingüística, da gramática, da lexicografía, da dialectoloxía e da onomástica.
Desde 1978 ata 1995 colaborou coa musicóloga suíza Dorothé Schubarth na compilación dun Cancioneiro popular galego.
Historia dos cancioneiros galegos
Mostraremos cales foron as contribucións máis importantes na empresa de construír un corpus da lírica popular galega desde 1745 ata a actualidade; informaremos tamén da obra dos distintos compiladores de melodías desde 1888 ata a actualidade.