Antonio Reigosa Zoñán
Antonio Reigosa Zoñán-Mondoñedo, 1958.
Cronista oficial de Mondoñedo. Escritor, investigador e divulgador da mitoloxía e literatura de tradición oral galega. Creador e mantedor desde 2005 da enciclopedia virtual da fantasía popular ‘Galicia Encantada’ (www.galiciaencantada.com).
Autor de libros infanto-xuvenís, de contos e lendas, álbums e ensaios en coautoría con X. Miranda e X. R. Cuba como o Dicionario dos seres míticos galegos (1999), Contos colorados (2001) e a colección Cabalo buligán (1998-2004). Recibiu premios como o Merlín 1998, Raíña Lupa 2000, Frei Martín Sarmiento 2003, Irmandade do libro 2013 e Follas Novas do Libro Galego 2021.
As palabras ditas: Literatura para os sentidos
Celebremos a oralidade. O que se di, o que se conta e o que se canta. Na oralidade habita a lingua e con ela o nome de todas as emocións posibles. Falaremos diso e coñeceremos unhas cantas persoas singulares que nos deixaron en herdo o máis valioso tesouro: todo o seu saber.